Կանայք ՕԵԿ-ում մեծամասնություն են

Այսօր ՕԵԿ-ի 11-րդ համագումարում կուսակցության քարտուղար Արթուր Ղուկասյանը ներկայացրեց կուսակցությանը վերաբերող որոշ թվեր: Մասնավորապես, որ մայիսի 6-ին կայացած խորհրդարանական ընտրություններից դասեր քաղելով, ՕԵԿ-ը մայիսի 20-ին որոշում էր ընդունել կուսակցության վերակազմավորման մասին, ըստ որի՝ պետք է բարդացվեր կուսակցությանն անդամակցելու կարգը` փորձաշրջան եւ կուսակցականների երաշխավորություն կիրառելով կուսակցությանն անդամագրվել ցանկացողների համար:

Այս որոշումն ուղղված էր պատահական մարդկանցից ձերբազատվելուն:  

«Վերջին 7 ամիսների ընթացքում, դեկտեմբերի 20-ի դրությամբ, կուսկացությունում վերահաստատվել եւ ընդգրկվել են 71 հազար 318 քաղաքացիներ: Կուսակցության անդամների 63 տոկոսը կանայք են»,-նշեց ՕԵԿ քարտուղարը: