ՀՀԿ-ական պատգամավորը նոր պաշտոնանկություններ է ուզում

ՀՀԿ-ական պատգամավոր Համլետ Հարությունյանի համար տեղի ունեցող պաշտոնանկությունները սովորական գործընթաց են: 

«Ժողովուրդը միշտ ցանկանում է, որ դեմքեր փոխվեն, բայց հենց նախագահը փոխում է այդ դեմքերը, վայնասուն է բարձրանում, թե դա ինչ պաշտոնանկություններ են: Դա շատ ճիշտ ու տեղին կադրային քաղաքականություն է, ու դա պետք է ողջունել: Իսկ բոլոր այն պաշտոնյաները, ովքեր լավ չեն աշխատում ու չեն արդարացնում մեր հույսերը, պետք է ազատեն իրենց պաշտոնները»,- լրագրողների հետ հանդիպման ժամանակ ասաց պատգամավորը:

Նա, սակայն, չցանկացավ անուններ տալ եւ նշել, թե ովքեր են «վատ աշխատողները», միայն նշեց, որ ինքը կցանկանար, որ պաշտոնանկությունները շարունակվեն: