Լիազորությունը հենց փող է. ՀՀԿ-ական պատգամավորը զարմացած է՝ ՄԻՊ-ն ինչո՞ւ փող չի ուզում

ԱԺ-ում 2013թ. բյուջեի կատարողականը ներկայացնելիս մարդու իրավունքների պաշտպան Կարեն Անդրեասյանը հայտարարել էր, որ ՄԻՊ-ը լրացուցիչ ֆինանսավորման կարիք չունի:

ԱԺ պատգամավոր Խոսրով Հարությունյանը հարց ուղղեց Կարեն Անդրեասյանին. «Առաջին անգամ եմ տեսնում պետական մարմին, որը հայտարարում է, որ ֆինանսավորման կարիք չունի: Որո՞նք են այն խնդիրները, որոնք դուք ավելի լավ կլուծեիք, եթե դրա համար լիներ բավարար ֆինանսավորում»:

Կարեն Անդրեասյանը պատասխանեց. «Երանի ես ունենայի տասն անգամ ավելի բյուջե և կաշխատեի հարյուր անգամ ավելի գործ անել, բայց ես ասում եմ, որ ՄԻՊ գործունեության համար անհրաժեշտ նվազագույն ֆինանսավորումը կա: Ես այսօր ոչ թե գումարի պակաս ունեմ, այլ կարիք ունենք օրենսդրական որոշ լիազորությունների ավելացման, նաև կարիք ունենք պետական այն մեկ-երկու մարմինների գործունեության և ընկալման փոփոխությանը, որոնք ականջ չունեն, որ լսեն»:

Խոսրով Հարությունյանն էլ արձագանքեց. «Լիազորությունն էլ հենց փող է»: