"Հայֆոնը" համշենական երգերը կտարածի

Երեկ «Հայֆոն» շարժման երգի հերթական հանրահավաքն էր, որին մասնակցեց 25 երիտասարդ:

«Սովորաբար ավելի շատ են լինում, սակայն հիմա շատերը մեկնել են հանգստանալու»,- պարզաբանեց շարժման հիմնադիր անդամներից Նունե Հայրապետյանը:

Երիտասարդներին օպերային թատրոնի մեներգիչ Վահագն Մարգարյանը և Աննա Մայիլյանի աշակերտուհիները սովորեցրին ճիշտ երգել Կոմիտասի, Շնորհալու, Հեքիմյանի ստեղծագործություններից մի քանիսը:

Հայֆոնցիները երգում էին անկաշկանդ, եւ, ամենակարեւորը, հոգով:

Ի դեպ, նրանք պատրաստվում են համշենական երգեր ձայնասկավառակով տարածել, իսկ թե ում կատարմամբ` դեռ պարզ չէ:

Իսկ ահա սեպտեմբեր ամսից նրանք կայցելեն դպրոցներ և աշակերտներին կուսուցանեն ազգային պարն ու երգը: