30 տարի է՝ նա չկա, իսկ նրա երգերը դեռ լսում են

30 տարի առաջ այս օրը աշխարհը մեծ կորուստ ունեցավ: 1980 թ.-ի դեկտեմբերի 8-ի երեկոյան Ջոն Լենոնը ձայնագրման ստուդիայից տուն էր վերադառնում, երբ ատրճանակի հինգ փամփուշտները կանգնեցրին նրան: Ջոն Լենոնը սպանված էր, իսկ աշխարհը դեռ երկար ժամանակ չէր կարողանում հավատալ ու համակերպվել այդ մտքի հետ։

Ջոն Լենոնը, ռոք-երաժիշտ լինելուց բացի, խաղաղության խոսնակ էր ու փորձումէր իր երաժշտությամբ խաղաղություն քարոզել աշխարհում: Կորցնելով նրան՝ աշխարհը կորցրեց շատ ավելին, քան ուղղակի երաժշտի:   

Բոլորս էլ գիտենք և լսում ենք նրա երգերը: «Give peace a chance» երգը, որտեղ նա խաղաղություն է քարոզում ու մաղթում աշխարհին, համաշխարհային հիթ է: Նրա մեկ այլ՝ «Imagine» ստեղծագործությունը շարունակում է սիրելի մնալ միլիոնավոր մարդկանց համար:

Լենոնը չկա, բայց սեր եւ խաղաղություն քարոզող նրա երգերը ապրում են: