Մարզական շաբաթ

Այս շաբաթ մենամարտային մարզաձևերից սամբոյում Հայաստանը հաջողություններ գրանցեց: Պրահայից Հայաստանի հավաքականը վերադարձավ 7 մեդալով: Ապրիլի 14-18-ը կայացած Եվրոպայի առաջնությանը մասնակցում էին պատանիներ, երիտասարդներ և աղջիկներ:

 Պատանիներ

Մխիթարյան Գրիգոր 48 կգ` բրոնզ

Պետոյան Ռազմիկ   52 կգ` արծաթ

Ալեքսանյան Հովհաննես  56 կգ `արծաթ

Մանուկյան Ռաֆիկ   65 կգ` բրոնզ

Խաչատրյան Ռոզա   52 կգ` բրոնզ

 Երիտասարդներ

Ալեքսանյան Սերյոժա   57 կգ` բրոնզ

Կարապետյան Մհեր    82 կգ` բրոնզ

 Պատկերն այլ է Ստամբուլում մեկնարկած  ձյուդոյի Եվրոպայի առաջնությունում: Ձախողումը ձախողման հետևից և ոչ մի մեդալ:

 Տհաճ իրադարձություններն այս շաբաթ մասնավորապես կապված են ծանրամարտի հետ:

Հայաստանի ծանրամարտի ֆեդերացիան մտադիր է պաշտոնապես դիմել ծանրամարտի համաշխարհային ֆեդերացիային` վերանայելու  Կազանում կայացած ծանրամարտի Եվրոպայի առաջնության մրցաշարում թուրք մարզիկ Սելիմ Յագշիի կողմից թույլ տված խախտումը (ծանրաձողը բարձրացնելու ժամանակ նա ծալել էր ծնկները):

 
Հիշեցնենք, որ մրցավարական այս սխալի հետևանքով Արայիկ Միրզոյանը զրկվեց ոսկե մեդալից: Մրցավարները գրանցեցին թուրք մարզիկի մոտեցումը, իսկ հայ ծանրորդը, 250 գրամ ավելի ծանր լինելու հետևանքով, բավարարվեց արծաթե մեդալով:
Նրա հետ միասին մեքենայում գտնվել է բելառուս ծանրամարտիկ Եվգենի Ժերնոսեկը, ով այժմ գտնվում է վերակենդանացման բաժանմունքում: 
Պետավտոտեսչության տվյալներով, Սերգեյ Լագունի վարորդական փորձը գերազանցել է 3 տարին, ՃՊՊ-ի վայրում ասֆալտե ծածկը չոր է եղել, և բոլոր ճանապարհային նշանները տեղում են եղել: Նախնական տվյալներով, երկու մարզիկներն էլ անվտանգության գոտիներով են եղել: Պատահարի պատճառները պարզվում են: Կատարվում է նախաքննություն:

Մրցավարական հանձնաժողովը նաև հրաժարվել էր բավարարել Հայաստանի պատվիրակության բողոքը:

 Լեգենդար ծանրամարտիկ, Հայաստանի նախագահի խորհրդական Յուրի Վարդանյանը  գտնվում է «Էրեբունի» բժշկական կենտրոնի վերակենդանացման բաժանմունքում:

Մի քանի օր առաջ Վարդանյանը մեկնել էր Մոսկվա, որտեղ կոտրվել էր ազդրում տեղադրված մետաղյա ձողը: Երևանում նոր վիրահատության ժամանակ վիրաբույժները ստիպված են եղել դադարեցնել վիրահատությունը ուղեղի թթվածնային սնուցման հետ կապված խնդիրների պատճառով: Տվյալ պահին Վադանյանի վիճակը բժիշկները գնահատում են ծանր:

Հիշեցնենք, որ Յուրի Վարդանյանը 2010-ի հոկտեմբերի 8-ի երեկոյան վթարի էր ենթարկվել Երևան-Գյումրի ավտոմայրուղու վրա:  Նրա մեքենան բախվել էր տրակտորին, իսկ ինքը ստացել էր ոսկրի կոտրվածք:

 Բելառուս ծանրամարտիկ, օլիմպիական խաղերի մասնակից, աշխարհի առաջնության բրոնզե և արծաթե մեդալակիր , աշխարհի և Եվրոպայի երիտասարդական առաջնությունների չեմպիոն Սերգեյ Լագունը ավտովթարի արդյունքում մահացել է, հաղորդում է РИА Новости-ին: 

Վթարը տեղի է ունեցել Նովոպոլոցկում ուրբաթ առավոտյան: Լագունն իր Peugeot-206-ով բախվել է ծառին: Մարզիկը տեղում մահացել է: 

 Կայացավ 2-րդ «Էլ կլասիկոն» այս մրցաշրջանում: Վալենսիայի «Մեստալյա» մարզադաշտում տեղի ունեցավ Իսպանիայի Արքայական գավաթի խաղարկության եզրափակիչ հանդիպումը «Ռեալի» և «Բարսելոնայի» միջև:

 Դիտարժան և կատաղի պայքար էր: Բոլորն, ովքեր մինչ այս «Բարսելոնային» այլ կազմերով հաղթած Մոուրինիոյին մեղադրում էին ընտրած տակտիկայի համար, այլևս չեն խոսի: Ժոզեն, այնուամենայնիվ, կարողացավ երկար տարիներ անց արքայականին վերադարձնել արքայական գավաթը:

 Հանդիպման հիմնական ժամանակը հաջողություն չբերեց կողմերից և ոչ  մեկին:

 Հանդիպման 103-րդ րոպեին, արքայական ակումբի  կիսապաշտպան Քրիշտիանու Ռոնալդուն գլխի դիպուկ հարվածով եզրափակեց ձախ եզրից Անխել Դի Մարիայի կատարած օդային փոխանցումը, որն էլ վճռորոշ եղավ կատալոնացիների համար:

Այսպիսով, արքայական ակումբը տիրացավ արքայական գավաթին:

 Սակայն հաղթանակի բերկրանքն ընդհատվեց մի տհաճ պատահարով: Մադրիդում  առավոտյան զբոսնելու ժամանակ «Ռեալի» պաշտպան Սերխիո Ռամոսը  նախօրեին նվաճած  Իսպանիայի  բաղձալի գավաթը  ձեռքից գցել է, իսկ հետո թիմի ավտուբուսն, անցել է գավաթի վրայով:

Գավաթի կտորտանքները հավաքվել են և վերադարձվել հաղթողներին, բայց այն այլևս չի զբաղեցրել իր ավանդական տեղը, ակումբի նվաճած մրցանակների կողքին: Ինքը` Սերխիո Ռամոսը, հայտարարել է, որ գավաթի հետ ամեն ինչ նորմալ է:

 ESPN The Magazine ամսագիրը հրապարակել է 182  ամենաշատ վարձատրվող ֆուտբոլիստների մի վարկանշային ցուցակ: Պարզվում է, որ այս դասակարգման աղյուսակում է հայտնվել, Դոնեցկի «Շախտյորի» և Հայաստանի հավաքականի ֆուտբոլիստ Հենրիխ Մխիթարյանը:

Ըստ վարկանշային տվյալների` Հենրիխ Մխիթարյանը  տարեկան 360,000 դոլար է վաստակում և համարվում է Հայաստանի ամենաբարձր վարձատրվող ֆուտբոլիստը:

Թենիսի միջազգային ֆեդերացիան (ITF) մերժել է Իսպանիայի թենիսի ֆեդերացիայի բողոքը (RFET)՝ կապված ԱՄՆ-ում հուլիսի 8-ից 10-ը կայանալիք ԱՄՆ-Իսպանիա Դևեսի գավաթի քառորդ եզրափակչի հանդիպման հետ, որը նախատեսված է անցկացնել Frank Erwin Center-ում: 

 Իսպանական կողմի պնդմամբ, ծածկը, որը հայտնի է  Indoor Hard Premiere անվանմամբ, ներկայացված չէ ITF-ի կողմից պաշտոնապես հաստատված ծածկերի ցանկում։ Սակայն Դևիսի գավաթի թենիսի միջազգային ֆեդերացիայի կոմիտեն  մերժել է  RFET-ի բողոքը։ Ծածկը ճանաչվել է համապատասխանող բոլոր նորմերին։

Համաանգլիական «Լաուն» թենիսային ակումբի գլխավոր տնօրեն Այեն Ռիչին հայտարարել է, որ 125-րդ ուիմբլդոնյան մրցաշարի (20 հունիս - 3 հուլիս) մրցանակային ֆոնդը կկազմի 23,8 միլիոն դոլար։ Կանանց և տղամարդկանց պայքարի հաղթողները  կստանան 1.800.000 դոլար. անցյալ տարի պարգևը կազմել էր 1.540.000 դոլար։

 «Երկրի» մարզական մեկնաբան