Ու՞ր են Ժաննայի ու ռեկտորի գայթակղիչ առաջարկները. ագրարային մասնագիտություններով դիմել է 1 հոգի

Այսօր վերջանում է բուհերի թափուր տեղերի հայտագրման գործընթացը: 

Ընդունելության հիմնական փուլի ավարտից հետո ագրարային համալսարանում թափուր է մնացել 311 տեղ կամ ընդհանուր տեղերի 80 տոկոսից ավելին: 

Ագրարայինի թափուր տեղերի համար դիմել է 8 դիմորդ, որոնցից միայն մեկն է գյուղատնտեսության ուղղվածությամբ: Մյուս 7-ը դիմել են տնտեսագիտական մասնագիտություններով:

Համեմատության համար նշենք, որ ԵՊՀ դիմել է 307, իսկ պոլիտեխնիկ՝ 316 դիմորդ:

Փաստորեն, ստացվում է, անգամ դրական միավորներ ստացած դիմորդներն են անհաղորդ մնում  տիկին Ժաննայի և ռեկտորի «գայթակղիչ» առաջարկներին ու չեն դիմում ագրարային համալսարան: 

Չնայած` չենք էլ կասկածում , որ առաջիկա ամիսներին այս երկուսի կողմից անպակաս են լինելու համալսարանի «աննախադեպ» զարգացման վերաբերյալ հայտարարությունները: