Ֆրանսիականն ագրարային համալսարանում ֆրանսերեն կսովորեցնի կամ մադամ Ժաննայի ու մսյո Հղաչյայի սմբուլը

2024թ. հոկտեմբերի 31-ին կառավարությունը Հայաստանում ֆրանսիական համալսարանին ագրարային համալսարանից հանձնեց շուրջ 6000 քմ տարածք, ինչպես նաև համատեղ օգտագործման տվեց կենտրոնական շքամուտքը, աստիճանավանդակը, վերելակը, մարզադահլիճը, ճաշարանը, մեծ դահլիճը, մեծ դահլիճի նախամուտքը, տանիքը և նկուղը: 

Սրան հետևեց ԿԳՄՍ նախարարությունում տիկին Ժաննայի օրհնությամբ երկու համալսարանների միջև փոխըմբռնման հուշագրի ստորագրումը Հրաչյա Զաքոյանի և Սալվա Նակուզիի կողմից:

Սակայն զարմանալին հուշագրի բովանդակությունն է: Yerkir.am-ը պարզել է, որ հումանիտար կրթական ծրագրեր (իրավագիտությւն, ֆինանսներ, մարքեթինգ, կառավարում) իրականացնող ֆրանսիական համալսարանը նպաստելու է անասնաբուժական, ագրոնոմիական, տեխնոլոգիական և տեխնիկական մասնագիտություններ ունեցող ագրարային համալսարանի ակադեմիական ծրագրերի զարգացմանը: Սակայն ամենակարևորն այն է, որ ֆրանսիականը կազմակերպելու է ֆրանսերենի զարգացման ծրագրեր՝  նպաստելով անհրաժեշտ լեզվական միջավայրի ձևավորմանը:

Փաստորեն, ագրարային համալսարանի և ԿԳՄՍ ղեկավարությունը բոլոր պարերը պարել էին, մնացել էր Սարի սմբուլը: