Գալիս, ասում է՝ 3 հոգի ազատվել են, 4 հոգի ազատվել են․ լրիվին ազատելով ո՞ւր է գնում, չգիտեմ․ ավտոբուսի վարորդ

«Երևանի ավտոբուս» ՓԲԸ վարորդներն ու աշխատակիցները բողոքի ակցիա են իրականացնում ընկերությունում. Վարորդներըգործադուլ են հայտարարել եւ այս պահին Երեւանում ավտոբուսները չեն գործում: Պատճառն այն է, որ նոր տնօրենը գործի է տեղավորում իր մտերիմներին ու աշխատանքից անհիմն հեռացնում եղած կադրերին։ Վարորդները ներկայացնում են իրավիճակը․ ապրիլի 8-ին նոր տնօրեն է նշանակվել Սամվել Նազարյանը, որից հետո անհիմն ազատումներ են գնում ընկերությունում, այսօր հերթը հասել է գլխավոր ճարտարագետ Անդրանիկ Մանուկյանին, ով այս ընկերության ստեղծման օրվանից աշխատում է այստեղ: Վարորդների խոսքով՝ Սամվել Նազարյանը քաղաքապետարանի տրանսպորտի վարչության պետի մարդն է, հիմա հիմնարկը կառավարում է տրանսպորտի վարչության պետը: 

Վարորդներից մեկը գովում է Անդրանիկ Մանուկյանին ու ասում, որ նա մշտապես եղել է իրենց կողքին։ «Գալիս, ասում է՝ 3 հոգի ազատվել են, 4 հոգի ազատվել են։ Լրիվին ազատելով ո՞ւր է գնում, չգիտեմ»։ 

Մանրամասն՝ տեսանյութում