Կիմը… Մայիսը… անմահության 4-րդ տարին

Հոկտեմբերի 31-ը ՀՅԴ «Նիկոլ Աղբալյան» ուսանողական միության անդամ, ԵՊԲՀ ուսանող, «Մարտական խաչ» 2-րդ աստիճանի շքանշանակիր, Արցախյան 44-օրյա պատերազմի նահատակ Կիմ Խաչատրյանի և ՀՅԴ Էջմիածնի «Վաչե Ռոստոմյան» կոմիտեության համակիր ընկեր Մայիս Նազարյանի հիշատակի օրն է:

Ավանդույթի համաձայն՝ օրն անցնում է հիշատակի արարողություններով. հարազատները, գաղափարական, մարտական ընկերներն այցելում են Կիմի ու Մայիսի շիրիմներին:

ՀՅԴ գումարտակի 3-րդ վաշտի, այդ վաշտի կամավորականներ Կիմի և Մայիսի հրամանատար, Արցախյան երեք պատերազմների մասնակից Ներսես Տեր-Պետրոսյանը սիրելի կամավորականների շիրիմներին հերթով և լուռ այցելողների շարքում է. հարցազրույցներ, ինչպես միշտ, չի տալիս՝ լուռ է: Եվ այդ ծանր լռության մեջ ամփոփված են  հիշողություններ, վերհիշումներ, շարժապատկերի պես անցնող չհանձնված դիրքերն ու հանձնված Արցախը, ընկած ընկերներն ու նրանց առջև ունեցած մեծ պարտքի զգացումը …

Ծանր մտորումներ և «խոսող» լռություն՝ Կիմը… Մայիսը… Արցախը…

Վ. Սարգսյան