Կամ փոխեք զինանշանը, գրեք՝ ծառայում եք մի մարդու, կամ վերադարձեք Ձեր կոչմանը․ Աղվան Վարդանյանը՝ ՆԳ նախարարին

«Թույլ տվեք դիմել ՆԳ նախարարին՝ Ձեր միջոցով»,-ԱԺ-ում դիմելով ՆԳ փոխնախարար Արփինե Սարգսյանին ասաց «Հայաստան» խմբակցության պատգամավոր Աղվան Վարդանյանը։

«Պարո՛ն նախարար, Ոստիկանության զինանշանի վրա գրված է՝ «Ծառայում ենք օրենքին և ժողովրդին», Ձեր ղեկավարած համակարգն այսօր ո՛չ օրենքին է ծառայում, ոչ՝ ժողովրդին։ Երկու տարբերակ՝ կամ փոխեք զինանշանն ու գրեք՝ ծառայում եք մի մարդու, կամ վերադարձե՛ք Ձեր կոչմանը։ Այն, ինչ Ձեր ենթականերն արեցին մայիսի 27-ին Հանրապետության փողոցում ԱԺ պատգամավոր Աշոտ Սիմոնյանի, մայիսի 28-ին Վեհափառ Հայրապետի հանդեպ հանցագործություն է։ Ձեզ դարձնում են հանցագործի հանցակից, պարո՛ն Ղազարյան։ Հրաժարվե՛ք հակապետական վարքագծից»,-ասաց Աղվան Վարդանյանը։

Մանրամասն՝ տեսանյութում։