Վաղը եթե մեզ հնարավորություն չտաք, ձեր ճակատին գրեք՝ «Գեբելսյան լրատվամիջոց»․ փաստաբանը՝ Հ1-ին

«Ձեր այդ կիսաներողությունը չի անցնում, դուք տեղով եք վրիպակ․ վաղը եթե մեզ հնարավորություն չտաք մեր դիրքորոշումն ասելու,  ձեր ճակատին գրեք՝ «Գեբելսյան լրատվամիջոց»,-այս մասին Սուրբ Աննա եկեղեցու բակում հայտարարեց փաստաբան Ռուբեն Մելիքյանը՝ խոսքն ուղղեկով Հանրային հեռուստաընկերությանը։
 

Շարունակելով խոսքը, Ռուբեն Մելիքյանն ասաց, որ Գանձասարից Նարեկ Թևոսյանի տունն են խուզարկել և քննչական գործողություններ իրականացրել՝ կապված civic․am- ում հրապարակված ձայնագրության հետ։

«Հատկապես արցախյան բարբառին տիրապետող մարդիկ հասկանում են, որ այդտեղ առավելապես խոսքը վերաբերում է կենցաղային հատվածին՝ 2200 դրամով կոշիկ է գնել , այն դեպքում, երբ առաջ 40 հազարանոցից  պակաս չի գնել։ Ուզում եմ հատուկ նշել, որ Քննչականը չի տվել այնպիսի թարգմանություն, որը տվել է «Հ1»-ը, հետևաբար «Հ1»-ի պատասխանատվությունը շատ մեծ է։ Այն ժամանակ, երբ դատարանը քննում էր Թևոսյանի գործը և մենք  ներկայացնում  էինք, որ սա քաղաքական հետապնդում է, որովհետև    անհասկանալի է, թե որտեղից է վերցված ձայնագրությունն ու հրապարակվել   «ՔՊ» կուսակցության  պաշտոնական ինտերնետային ռեսուրսում՝ civic.am-ում։Եվ  հետո ՝ գործ ունենք մարդու հետ, որը մասնակցում էր «Տավուշը հանուն հայրենիքի» շարժմանը։ Այդ ժամանակ ավելացավ ամենավճռականը՝ «Հ1»-ը կեղծիք թույլ տալով, մյուս կողմին չլսելով, տալիս է այդ նյութը։ Ձեր էդ ներեղությունը չի անցնում, «վրիպակ է եղել», դուք տեղով եք «վրիպակ»։ Եթե վաղը մեզ հնարավորություն չտվեցիք՝ նաև մեր դիրքորոշումը  հայտնելու, ուրեմն դուք ինքներդ ձեր ճակատին գրում եք՝ «գեբելսյան քարոզչամիջոց»»,- ասաց իրավաշատպանը։

Այնուհետև իրավապաշտպանը տեղեկացրեց, որ այսօր ձերբակալված անձիք  չկան։