Մեծ Բրիտանիան նախազգուշացնում է Եվրամիությանը` փոխեք ձեր «համառ» դիրքորոշումը, այլապես «Բրեքսիթ»-ը կիրականացվի առանց գործարքի

Երկուշաբթի Մեծ Բրիտանիան նախազգուշացրել է Եվրամիությանը` փոխել իր «համառ» դիրքորոշումը «Բրեքսիթ»-ի հարցում, եթե ցանկանում է խուսափել առանց գործարքի «Բրեքսիթ»-ից. հայտնում է Reuters-ը:

Երկրի արտաքին գործերի նախարար Դոմինիկ Ռաաբը հայտարարել է, որ իրենք ցանկանում են գործարք, սակայն ԵՄ-ն պետք է փոխի իր դիրքորոշումը:

«Մենք ցանկանում ենք լավ գործարք Եվրամիության մեր գործընկերների հետ»,- ասել է նա` հավելելով, որ եղել է «ԵՄ-ի կողմից հնչեցված բավականին կոշտ դիրքորոշումների շարք»:

Ռաաբը նշել է նաև, որ եթե Եվրամիությունը շարունակի նույն ուղիով, ապա Միացյալ Թագավորությունը կսկսի պատրաստվել առանց գործարքի «Բրեքսիթ»-ի: