Երբ ճիշտը գրեք խտացրած կաթի մասին, նոր կպատասխանեմ ձեր հարցերին. Սամվել Ալեքսանյան

ԱԺ ՀՀԿ խմբակցության պատգամավոր Սամվել Ալեքսանյանն այսօր կրկին խուսափում էր պատասխանել լրագրողների հարցերին, սակայն, ի վերջո, որոշեց կցկտուր խոսել:

Արձագանքելով այն հրապարակումներին, թե Սամվել Ալեքսանյանը զինվորների համար նախատեսված խտացրած կաթ է վաճառում, պատգամավորը սրտնեղած ասաց, որ կպատասխանի այդ հարցադրումներին միայն այն դեպքում, երբ այդ մասին ճիշտ հրապարակումներ լինեն:

«Երբ ճիշտը գրեք խտացրած կաթի մասին, նոր կպատասխանեմ ձեր հարցերին: Նման բան չկա, իրանք էլ հերքել են, ցավդ տանեմ»,- ասաց նա:

Ալեքսանյանը, ի դեպ, հիշեցրեց, որ 500 եվրո է պահանջում լրագրողներից, որպեսզի պատասխանի նրանց հարցերին:

Դիտարկմանը` դժվար հարցերին պատասխանելու համա՞ր է միայն պահանջում 500 եվրո, Ալեքսանյանը պատասխանեց. «Էտի դժվար հարց չի, էտի շատ հեշտ հարց ա»: