Ժամանակավրեպ իրականացվող միջոցառումները լուրջ հարվածներ կհասցնեն Հայաստանին և Արցախին․ Օհանյան

Այսօր ԱԺ լիագումար նիստում քննարկման է դրվում «Սահամանազատման և սահմանագծման հիմնախնդիրների մասով» հարցը, որը  բարձրաձայնել է «Հայաստան» խմբակցությունը։ Անկասկած, այսօր Հայաստանի Հանրապետությունում և Արցախում սահմանին տիրող իրավիճակը մտահոգություն է մեր ժողովրդի համար, և հարցն ընդգրկելով՝ մենք այսօր կարող ենք հնարավորություն ստեղծել ուսումնասիրելու և քննարկելու այսօր սահմանին տիրող իրավիճակը․  Ազգային ժողովում ելույթի ժամանակ ասաց «Հայաստան» խմբակցության ղեկավար Սեյրան Օհանյանը։

«Ես գտնում եմ, որ բացասական եզրակացությունը, որը տվել է գլխադասային հանձնաժողովը, անընդունելի է բոլորիս համար, հատկապես՝ «Հայաստան» խմբակցության համար, որովհետև 44-օրյա պատերազմում կրած պարտությունից, անհաջողություններից հետո, շարանը շարունակվում է, և այն անմիջական անդրադարձ ունի այն իրավիճակի վրա, որը տիրում է սահմաններին»,- ասաց նա։