Իրանի զինված ուժերը ջախջախիչ հարված կհասցնեն ցանկացած անմիտ գործողության. Մոհամմադ Ռեզա Աշտիանի

Իրանի պաշտպանության նորանշանակ նախարար Մոհամմադ Ռեզա Աշտիանին հայտարարել է, որ Իրանի հակառակորդների անհիմն գործողությունները ջախջախիչ հարված կստանան։ Այս մասին տեղեկացնում է իրանական Tasnim տեղեկատվական գործակալությունը։

Աշտիանին ընդգծել է, որ Իրանը վճռական է տրամադրված ռազմական իր ծրագրերը առաջ մղելու հարցում, որոնք հիմնված են երկրի ռազմական դոկտրինի վրա։ Նա նշել է, որ Իրանի զինված ուժերը ջախջախիչ հարված կհասցնեն ցանկացած անմիտ գործողության։

«Իրանն արդեն ցույց է տվել, որ իր պաշտպանունակությունն ու ժամանակակից տեխնոլոգիաների վրա հիմնված ձեռքբերումները ուղղված են միայն երկրի անվտանգության ապահովմանը, սահմանների պաշտպանությանը և ցանկացած պոտենցիալ սպառնալիքի կամ ագրեսիայի դեմ պայքարին»,- ասել է Իրանի պաշտպանության նախարարը:

Հիշեցնենք, որ այս օրերին Իրանը զորավարժություններ է անցկացնում Ադրբեջանի հետ սահմանին ՝ Ադրբեջանի, Թուրքիայի և Պակիստանի համատեղ զորավարժություններից, ինչպես նաև Սյունիքի մարզի Գորիս-Կապան միջպետական ավտոճանապարհին իրանցի վարորդների ձերբակալությունից հետո: Ավելի վաղ հայտնել էինք որ Իրանցի հոգևորականը կոշտ քննադատության է ենթարկել ադրբեջանա-թուրքական տանդեմը։

Աղբյուրը՝ personanews.am