Թուրքիան վախենում է, որ ՆԱՏՕ-ն կհրահրի Ղրիմի երկրորդ պատերազմ. թուրքական ԶԼՄ–ներ

Արևմտյան հիմնական երկրների քաղաքականությունը, ուղղված Ռուսաստանին զսպելուն, ընդունակ է Սև ծովում մեծ ռազմական բախում առաջացնել: Այս մասին ասվում է երեկ Evrensel թուրքական պարբերականի հրապարակած հոդվածում։

Դրա հեղինակն ընդգծում է, որ Սևծովյան տարածաշրջանում բացառապես արևմտյան տիրապետություն հաստատելու ցանկությունը շատ վտանգավոր է: Նման ուղեգծի շրջանակներում այժմ իրականացվում են ՆԱՏՕ-ի «Ծովային զեփյուռ -2021» վարժանքները, և Ղրիմի ափերի մոտ կատարվել է կոպիտ սադրանք՝ բրիտանական ռազմանավի մուտքով Ռուսաստանի տարածքային ջրեր:

Այս ամենը ծայրահեղ պայթյունավտանգ իրավիճակ է ստեղծում Սև ծովում, որում ցանկացած կայծ կարող է կրակ առաջացնել այնպիսի խոշոր պատերազմի նման, ինչպիսին էր Ղրիմի պատերազմը 1853-1856 թվականներին: ՆԱՏՕ-ի ներկայիս ռազմածովային զորավարժությունների նպատակն է ցույց տալ Ռուսաստանին, որ շրջապատված է և պետք է հրաժարվի Ղրիմից: Բայց սա 19-րդ դարը չէ: Ռուսաստանը ռազմական առումով շատ ուժեղ է: Նրա նկատմամբ հաղթանակը չափազանց թանկ կարժենա Արևմուտքի համար: Ղրիմի առաջին պատերազմը նշանավորեց Օսմանյան կայսրության ավարտի սկիզբը: Այժմ դա կարող է վերածվել էլ ավելի վատ հետևանքների կոլեկտիվ Արևմուտքի համար: Այս կապակցությամբ հեղինակը դիմում է Թուրքիայի իշխանություններին՝ Ռուսաստանի հետ բարիդրացիական հարաբերություններ կառուցելու առաջարկով: