ՆԱՏՕ-ն զորավարժություններ է անցկացրել Ռուսաստանի կողմից հարվածի մտավախությունների ֆոնին․ ԶԼՄ-ներ

ՆԱՏՕ-ի երկրները Dynamic Mongoose զորավարժություններ են անցկացրել այն մտավախությունների պատճառով, որ Ռուսաստանը դիտարկում է ԵՄ-ի եւ ԱՄՆ-ի կարեւորագույն ստորջրյա օբյեկտները, հաղորդում Է Bloomberg գործակալությունը:

«Սուզանավերի ասիմետրիկ սպառնալիքը՝ նրանց գաղտնիությունն է, այն փաստը, որ այլ երկրներ, որպես կանոն, չգիտեն, թե որտեղ են նրանք գործում․.. Մեզ համար կարեւոր է դաշինքի անդամներին սովորեցնել, թե ինչպես հասկանալ այն իրավիճակը, որը սուզանավերը կփորձեն օգտագործել աննկատ մնալու համար», — Պարբերականը մեջբերում է ԱՄՆ ռազմածովային ուժերի փոխծովակալ եւ դաշինքի սուզանավերի հրամանատար Սթիվեն Մաքի հայտարարությունը ։

ԶԼՄ-ների տվյալներով՝ զորավարժություններն անցկացվել են ապրիլի 24-ից Ֆարերո-Իսլանդական սահմանագծում, որով «ռուսական նավերը պետք է անցնեն Ատլանտյան օվկիանոս մտնելու համար»: