Իրանը նախատեսում է էմբարգոն վերացնելուց հետո զենքի արտահանել, այլ ոչ թե ներմուծել

Զենքի էմբարգոն վերացնելուց հետո իրանական կողմը ակնկալում է զենք արտահանել, այլ ոչ թե ներմուծել: Այս մասին հայտարարել է Իրանի պաշտպանության նախարար, բրիգադային գեներալ Ամիր Խաթամին:

«Կասկած չկա, որ մենք զգալիորեն կարտահանենք, քան կներմուծենք»,- ասել է նա:

Նախարարը հավելել է, որ «անցյալ տարվանից Թեհրանին մի քանի երկրներ են դիմել, որոնց հետ բանակցություններ են վարվել»:

Խաթամիի ելույթը հեռարձակել է Իրանի պետական հեռուստատեսությունը:

Նրա խոսքով՝ շատերը «չեն հավատում, որ իրանական կողմը պատժամիջոցների պայմաններում կարողացել է այդպիսի արդյունքների հասնել»:

Հիշեցնենք, որ դեպի Իրան մատակարարումների, ինչպես նաև այդ երկրից սովորական զենքի արտահանման էմբարգոյի ժամկետը լրացել է կիրակի օրը: Վերջին մի քանի ամիսների ընթացքում ԱՄՆ-ը դեմ էր Իրանի նկատմամբ զենքի էմբարգոյի վերացմանը, սակայն ՄԱԿ–ի ԱԽ–ն այդպես էլ չերկարաձգեց էմբարգոն՝ շնորհիվ իրանական փայլուն դիվանագիտության։