ՄԱԿ-ի ԱԽ-ն պիտի վերականգնի էմբարգոն Իրանին զենքի մատակարարումների վրա. Պոմպեո

ՄԱԿ-ի Անվտանգության խորհուրդը պիտի վերականգնի Իրանին զենքի մատակարարումների էմբարգոն. իր թվիթերյան էջում գրել է ԱՄՆ պետքարտուղար Մայք Պոմպեոն։

Նա, մասնավորապես, նշել է՝ «ոչ կոռեկտ» իրանական գործարքի պատճառով Իրանին զենքի մատակարարման՝ ՄԱԿ-ի էմբարգոյի ժամկետը կլրանա մեկ տարի անց:

«Այնպիսի երկրներ, ինչպիսիք են Ռուսաստանը եւ Չինաստանը, կկարողանան Իրանին վաճառել ժամանակակից զենք։ Իրանական ռեժիմը ազատ կլինի վաճառել իր զենքը բոլորին։ Դա կհանգեցնի սպառազինությունների նոր մրցավազքի Մերձավոր Արեւելքում»,- մանրամասնել է Պոմպեոն ու հավելել. «Եթե դուք անհանգստանում եք Իրանի վարքագծով այժմ, պատկերացրեք, թե ինչ կանի Իրանը ժամանակակից հրթիռների, դրոնների, տանկերի ու ինքնաթիռների հետ»: