Զենքի էմբարգոն վերացնելուց հետո մենք և՛ կգնենք, և՛ կվաճառենք զենք. Իրանի ՊՆ

Իրանի պաշտպանության նախարար բրիգադային գեներալ Ամիր Խաթամին ասել է, որ իսլամական հանրապետությունը ոչ միայն գնելու է, այլև արտահանելու է ռազմական արտադրանք՝ 2015-ին ՄԱԿ-ի Անվտանգության խորհրդի կողմից երկրի կողմից պարտադրված հինգ տարվա զենքի էմբարգոյի վերացումից հետո. հայտնում է Mehr լրատվական գործակալությունը:

Ելույթ ունենալով կիրակի, օգոստոսի 16-ին՝ Իրանի պաշտպանական արդյունաբերության ազգային օրվա կապակցությամբ արարողությանը, ռազմական գերատեսչության ղեկավարը հայտարարել է. «Իրանը կօգտագործի բոլոր հնարավորությունները՝ պատժամիջոցների վերացումից հետո զենք գնելու և արտահանելու համար»:

Խաթամիի խոսքով՝ Իրանի Իսլամական Հանրապետության պաշտպանական արդյունաբերությունը «երկրի ռազմավարական խորությունն» է, և նրա գիտական և տեխնոլոգիական ներուժը Իրանի պաշտպանական արդյունաբերության զարգացման կարևորագույն օղակն է:

«Պատժամիջոցները որևէ սահմանափակում չեն առաջացրել: Երկիրը հասել է պատժամիջոցների համատեքստում պաշտպանական արդյունաբերության բոլոր հաջողություններին ու նվաճումներին», - նշել է  պաշտպանության նախարարը:

Իրանի ռազմաքաղաքական ղեկավարության ներկայացուցիչները բազմիցս նշել են, որ ԱՄՆ-ի կողմից Թեհրանի դեմ սահմանված պատժամիջոցների ռեժիմը ոչ միայն չկարողացավ դադարեցնել երկրի ռազմարդյունաբերական համալիրի զարգացումը, այլ, ընդհակառակը, դարձավ հզոր խթան՝ ապավինելու ներքին ռեսուրսներին՝ Իրանի պաշտպանական կարողությունը բարձրացնելու համար:

Հիշեցնենք, որ ԱՄՆ-ն օրերս նախագիծ էր ներկայացրել ՄԱԿ-ի ԱԽ-ին՝ հոկտեմբերին ավարտվող Իրանի դեմ զենքի էմբարգոն դարձյալ երկարաձգելու համար, սակայն Ռուսաստանի և Չինաստանի կողմից այդ փորձը կանխվել է։