ՌԴ-ն վարակվածների թվով շրջանցեց Գերմանիային ու Ֆրանսիային. ՏԱՍՍ

Ռուսաստանի Դաշնությունում կորոնավիրուսով վարակվածների թիվն ավելացել է 11.231-ով՝ ընդհանուր առմամբ դառնալով 177.160՝ արձանագրված երկրի բոլոր շրջաններում. այս մասին տեղեկացնում  է ՏԱՍՍ գործակալությունը՝ ներկայացնելով կորոնավիրուսի տարածման դեմ պայքարի օպերատիվ շտաբի տվյալները. հայտնում է Yerkir.am-ը։

Նշվում է՝ երկրում ապաքինվածների թիվն ավելացել է 2.476-ով՝ ընդհանուրը դառնալով 23.803: Վերջին մեկ օրում մահացել է 88 մարդ, ընդհանուր առմամբ երկրում մահացել է 1625 վարակված:

Նոր վարակվածների 48.7 տոկոսի մոտ ախտանշաններ չեն եղել. նոր դեպքերի զգալի մասը գրանցվել է Մոսկվայում:

Այսպիսով, Ռուսաստանը վարակվածների թվով աշխարհում դառնում է 5-րդ երկիրը՝ շրջանցելով Գերմանիային, Ֆրանսիային:

Հիշեցնենք՝ վարակվածների թվով առաջատարն ԱՄՆ-ն է, որին հաջորդում են Իսպանիան, Իտալիան և Մեծ Բրիտանիան: