Մահացել է հայտնի թուրք պատմակեղծարարը

Թուրքիայում 86 տարեկան հասակում մահացել է հայտնի թուրք պատմակեղծարար Քադիր Մըսըրօղլուն: Թուրքիայի նախագահն ու այլ բարձրաստիճան պաշտոնյաներն իրենց ցավակցություններն են հղել այդ կապակցությամբ:

Թուրքիայում մեծ հեղինակություն վայելող Մըսըրօղլուն հայտնի էր իր ծայրահեղ իսլամիստական մոտեցումներով, բազմիցս քննադատել էր Թուրքիայի հիմնադիր Մուսթաֆա Քեմալին երկիրը աշխարհիկ դարձնելու համար: Մըսըրօղլուն բազմաթիվ գրքերի և հոդվածների հեղինակ է, որոնցում բազմիցս անդրադարձել է Հայկական հարցին, հերքել Հայոց ցեղասպանության իրողությունը: Ըստ նրա վարկածի` Քրդական աշխատավորական կուսակցությունն իրականում քրդական չէ, այլ հայկական, իսկ կուսակցության հիմնադիր Աբդուլլահ Օջալանի հայր ու մայրը ծագումով հայեր են: