Մեկ թուրք պատվիրակի ոտքի կանգնելը առաջացրել է մնացած թուրք պատվիրակների լուրջ դժգոհությունը

Այսօր` լրագրողների հետ հանդիպման ժամանակ, ԵԽԽՎ լիագումար նիստին մասնակցած հայկական պատվիրակության անդամները ամփոփել են նիստի աշխատանքները, որոնք ընթացել են ապրիլի 24-ին:

Նրանք նշեցին, որ պատվիրակության անդամ Լևոն Զուրաբյանը առաջարկել է ԵԽԽՎ պատվիրակներին` հոտնկայս հարգել բոլոր ցեղասպանությունների զոհերի հիշատակը: Այդ առաջարկին արձագանքել են բոլոր պատվիրակները, բացառությամբ թուրքերի: Թուրք պատվիրակներից միայն մեկ կին է ոտքի կանգնել ու հարգել ցեղասպանություններ զոհերի հիշատակը:

«Թուրք պատվիրակ տիկին Բիլգեհանի` ոտքի կանգնելուց հետո մենք տեղեկություններ ունեցանք, որ թուրքական պատվիրակության ներսում լուրջ քարկոծումներ ու քննադատություններ են եղել նրա հասցեին: Սա ցույց է տալիս Թուրքիայի ժողովրդավարության մակարդակը, որի կապակցությամբ մենք կասկածներ չունեինք»,- ասաց Հերմինե Նաղդալյանը: