Մահացել է հայտնի թուրք պատմակեղծարար Քեմալ Քարփաթը

Երեկ երեկոյան ԱՄՆ Վիսկոնսին նահանգում 96 տարեկան հասակում մահացել է հայտնի թուրք պատմաբան, դոկտոր, պրոֆեսոր Քեմալ Քարփաթը:

Ղրիմի թաթարական արմատներ ունեցող Քարփաթն աշխատել է  ՄԱԿ-ի տնտեսական և սոցիալական խորհրդում, այնուհետև` դասավանդել մի շարք ամերիկյան և թուրքական հեղինակավոր համալսարաններում. հայտնում է sabah.com.tr կայքը: Հեղինակել է մի շարք աշխատություններ, որոնց մեծ մասը նվիրված է միջինասիական տարածաշրջանին և Օսմանյան կայսրությանը, գրել բազմաթիվ հոդվածներ կայսրության և տարածաշրջանային ժողովրդագրական տվյալների մասին: Նրան է պատկանում թուրքական պաշտոնական քարոզչության այն տեսակետը, ըստ որի` հայերի թիվն Օսմանյան կայսրությունում եղել է ոչ թե 2.5 մլն, այլ 1 մլն 400 հազար,  և նա էլ ժխտել է Հայոց ցեղասպանության փաստը: