Ալիևն անընդունելի է համարում բանակցությունների ձևաչափը փոխելու փորձը

Ադրբեջանի նախագահ Իլհամ Ալիևն անընդունելի է համարում ՀՀ կառավարության փորձերը` փոխելու ԼՂ հակամարտության կարգավորմանն ուղղված բանակցությունների ձևաչափը: Այդ մասին նա ասել է Բաքվում անցկացվող Գլոբալ ֆորումում ելույթի ժամանակ. հայտնում է Minval.az-ը:

«ՀՀ կառավարությունը փորձում է փոխել բանակցությունների ձևաչափը: Դա անընդունելի է և հանդիսանում է հակամարտության կարգավորմանն ուղղված բանակցություններն արգելափակելու փորձ»,-ասել է Ալիևը:

Նա հիշեցրել է, որ ԵՄ բարձրաստիճան պաշտոնյաները և ԵԱՀԿ ՄԽ համանախագահները նույնպես դեմ են բանակցությունների ձևաչափի փոփոխությանը:

Ադրբեջանի նախագահը կրկին ընդգծել է, որ ստատուս քվոն անընդունելի է: