ԼՂ հակամարտության կարգավորման ուղղությամբ բանակցությունների ձևաչափը մնում է անփոփոխ. Ալիև

ԼՂ հակամարտության կարգավորման ուղղությամբ բանակցությունների ձևաչափը մնում է անփոփոխ, դրանք տեղի են ունեցել, տեղի են ունենում և պետք է տեղի ունենան ՀՀ-ի և Ադրբեջանի միջև: Այդ մասին հայտարարել է  Ադրբեջանի նախագահ Իլհամ Ալիևը կառավարության նիստում. հայտնում է АзерТАдж-ը:

Ըստ նրա` դրա ապացույցն են երկու երկրների ԱԳՆ ղեկավարների երկու հանդիպումները:

Ալիևը նաև կրկնել է հին երգը, թե Ադրբեջանի տարածքային ամբողջականությունը երբեք չի լինի բանակցությունների առարկա, և հույս է հայտնել, որ ՀՀ նոր իշխանությունները կառուցողական կլինեն իրենց քաղաքականությունում և իրենց «հողերը» շուտով կազատագրվեն:

Ալիևը նաև հավելել է, որ Ադրբեջանը կշարունակի ժամանակակից զենք ձեռք բերել և նոր պայմանագրեր կնքել: