Իրանը մյուսներին ևս կսովորեցնի պատժամիջոցները շրջանցելու արվեստը. Զարիֆ

Իրանը մյուսներին ևս կսովորեցնի պատժամիջոցները շրջանցելու արվեստը: Այս մասին երեկ՝ դեկտեմբերի 15-ին Կատարի մայրաքաղաք Դոհայում ընթացող «Դոհա-2018 ֆորում»-ի (Doha Forum 2018) ժամանակ հայտարարել է ԱԳ նախարար Մոհամմադ Ջավադ Զարիֆը:

«Ակնհայտ է, որ մենք ԱՄՆ պատժամիջոցների արդյունքում հայտնվել ենք ճնշման ներքո, բայց դրանք մեր քաղաքականության փոփոխության պատճառը կդառնա՞ն արդյոք. ո՛չ: Ես դա կարող եմ երաշխավորել»,- ասել է Զարիֆը՝ հավելելով. «Եթէ կա որեւէ արվեստ, որին կարող է տիրապետել Իրանն ու սովորեցնել նաև մյուսներին, դա պատժամիջոցները շրջանցելու արվեստն է»:

Իրանի արտաքին քաղաքական գերատեսչության ղեկավարն անդրադարձել է նաեւ Իրանի հրթիռային կարողականությանը, կրկին ընդգծելով, որ դա բացառապես պաշտպանական բնույթի է եւ բանկցության ենթակա չէ: