Կ.Պոլսում բացվել է աշխարհի ամենամեծ օդանավակայանը` հայ ճարտարապետի ոճով

Այսօր Կ.Պոլսում կայանալու է աշխարհի ամենամեծ օդանավակայանի բացման արարողությունը, որին մասնակցելու են մի շարք բարձրաստիճան պաշտոնյաներ՝ երկրի նախագահ Ռեջեփ Թայիփ Էրդողանի գլխավորությամբ։ 

Ըստ Haberler-ի` շինարարական աշխատանքներն իրականացնելու մրցույթում հաղթել էր թուրքական «Limak Kolin Cengiz Mapa Kalyon» ընկերությունը։ Շինարարության առաջին փուլի համար հատկացվել էր 6 մլրդ դոլար։ Մյուս փուլերն ավարտին են հասցվելու մինչև 2023 թվականը:

Ուշագրավ է,  որ օդանավակայանի տանիքը կառուցվել է նշանավոր  հայ ճարտարապետ Սինանի ոճով, որին կայքը ներակայացնում է որպես թուրք։ 

Թե ինչպես է անվանակոչվելու օդանավակայանը, դեռևս չի հաղորդվում:

Նշենք, որ Սինանը եղել է Օսմանյան արքունիքի գլխավոր ճարտարապետը: