Թուրքիայում հայ ճարտարապետի կառուցած շենքը կրակի մեջ է հայտնվել

Ստամբուլի Բեշիքթաշ թաղամասի Գալաթասարայի համալասարանի պատմական մասնաշենքերից մեկում հրդեհ է բռնկվել. գրում է «Հյուրիեթ» պարբերականը: Այդ շենքը որպես պալատ կառուցվել է 1871 թվականին ստամբուլահայ հայտնի ճարտարապետ Սարգիս Պալյանի կողմից: Ավելի ուշ շենքը տարբեր նպատակների համար է օգտագործվել եւ 1992 թվականին հանձնվել է Գալաթասարայի համալսարանին:

Հրդեհը բռնկվել է էլեկտրականության հետ կապված խնդրի հետեւանքով եւ ուժեղ քամու պատճառով արագ տարածվել շենքում: Պատմական շենքի տանիքի մի մասն արդեն փլուզվել է: Ներկայումս հրդեհի մարման աշխատանքներին մասնակցում են Ստամբուլի 3 շրջանների հրշեջ հաշվարկներ եւ ծովից շենքին մոտեցած 3 հրշեջ նավեր: