Խաղաղությամբ ննջիր, Թուրքիա (1921-2017). Foreign Policy-ի արձագանքը՝ Թուրքիայում հանրաքվեի արդյունքներին

Ամերիկյան Foreign Policy ամսագիրն ուշագրավ անդրադարձ է կատարել երեկ Թուրքիայում կայացած հանրաքվեի արդյունքներին:

Ըստ Demokrathaber-ի՝ «Խաղաղությամբ ննջիր, Թուրքիա' (1921-2017)» վերնագրված հոդվածում Սթիվեն Քուքը նշել է, որ հանրաքվեի «այո» արդյունքից հետո վերջ է դրվել ժամանակակից Թուրքիայի պատմությանը, որի մասին երազել է Աթաթուրքը:

«Էրդողանը ոչ միայն հաղթեց հանրաքվեի ընթացքում, նա նաև ամբողջությամբ փակեց երկրի ժամանակակից պատմության ժամանակաշրջանը»,- նշել է հեղինակը:

Ըստ Քուքի` նախագահ Էրդողանը, ով իրեն նմանեցնում է սուլթանի, աշխարհի ավտորիտարներից մեկն է: «Էրդողանը ցանկանում է պետությունը կործանել, քանի որ թե' ինքը, թե' ժողովուրդը, որին ներկայացնում է, ղեկավարվում էր դաժանությունների ենթարկող լիդերի կողմից: Ժողովուրդը, Էրդողանին նախագահություն վստահելով, ավելի մեծ հաղթանակներ է ակնկալում, սակայն, իհարկե, կան միլիոնավոր թուրքեր, ովքեր «ոչ» են քվեարկում՝ վախենալով ավտորիտար ռեժիմի հաստատումից»,- գրել է նա: