Չինաստանի հետ հարաբերությունները կօգնեն Պուտինին՝ մեղմել պատժամիջոցները. Foreign Policy

ԱՄՆ-ը ստիպված կլինի պատժամիջոցներ կիրառել ոչ միայն Ռուսաստանի դեմ Ուկրաինայի վրա հարձակման դեպքում, այլ նաև Չինաստանի. ասում է Foreign Policy ամսագրի թղթակից Արոն Արոնոլդը։

Նրա խոսքով, ըստ Gazeta.ru-ի, Ռուսաստանի նախագահ Վլադիմիր Պուտինը, բախվելով արեւմտյան նոր պատժամիջոցների փոթորկին, դիմել է Չինաստանին օգնությանը։

Այսպես՝ փետրվարի 4-ին Ռուսաստանի ղեկավարը և Չինաստանի նախագահ Սի Ցզինպինը հայտարարեցին երկու երկրների միջև նոր ռազմավարական գործընկերության ստեղծման մասին։ Երկու քաղաքական գործիչների համատեղ հայտարարության մեջ ռուս-չինական հարաբերություններն անվանվել են «բարեկամություն», որոնցում համագործակցության «արգելված» ոլորտներ չկան։ Պուտինը աջակցություն է հայտնել Չինաստանին Թայվանի անկախության հարցում, իսկ Սին պաշտպանել է Ռուսաստանի պահանջը՝ դադարեցնել ՆԱՏՕ-ի ընդլայնումը դեպի արևելք:

Կողմերը խոսել են նաև տնտեսական համագործակցության խորացման ծրագրերի մասին, հատկապես՝ նավթագազային արդյունաբերության ոլորտում։

Հրապարակման հեղինակը վստահ է, որ նման հայտարարությունների պահը պատահական չի ընտրվել։ Մոտ ապագայում Ռուսաստանի և Չինաստանի հարաբերությունները կօգնեն Պուտինին՝ մեղմել Արևմուտքի հնարավոր պատժամիջոցների հարվածը։