Հարություն Խաչատրյանի «Փակուղի» ֆիլմը երկու միջազգային կինոփառատոների կմասնակցի

ՀՀ ժողովրդական արտիստ, «Ոսկե ծիրան» Երևանի միջազգային կինոփառատոնի հիմնադիր  Հարություն Խաչատրյանի  «Փակուղի» ֆիլմn այս ամիս կներկայացվի երկու տարբեր միջազգային կինոփառատոներում:

Ռումինիայում այսօր մեկնարկում է  մարդու իրավունքների վերաբերյալ վավերագրական ֆիլմերի «Մեկ աշխարհ» 10-րդ միջազգային կինոփառատոնը, որտեղ «Փակուղին» առաջադրված է «Լավագույն ֆիլմ» անվանակարգում:

Մարտի 9-ից ընթանում է Սոֆիայի 21-րդ միջազգային կինոփառատոնը, որտեղ «Փակուղի» ֆիլմը ներկայացված է «Պրեմիերաներ» արտամրցութային ծրագրում:

***

 «Փակուղի» ֆիլմը Լևոն անունով ինժեների մասին է, ով 1990-ականների Գրին քարտ շահեց և ընտանիքով մեկնեց Ամերիկա: Հարություն Խաչատրյանը շուրջ 25 տարի հետևել է իր հերոսին և մի ֆիլմում ներկայացնում է նրա կյանքի ու ընտանիքի հետ հարաբերությունների տարբեր հանգրվանները: «Փակուղին» հեղինակի «Անվերջ փախուստ, հավերժ վերադարձ» շարքի երկրորդ ֆիլմն է:

Ֆիլմի համաշխարհային պրեմիերան տեղի է ունեցել 2016-ին  Շվեյցարիայում՝  Նյոն քաղաքի «Vision du Reel»  միջազգային կինոփառատոնի շրջանակում: