Հարություն Խաչատրյանի «Հայկ. փախուստ» ֆիլմը կցուցադրվի Մինսկի «Լիստոպադ» փառատոնում

Նոյեմբերի 7-ին մեկնարկում է Մինսկի «Լիստոպադ» միջազգային կինոփառատոնը, որի համար 2014-ը հոբլյանական է` այս տարի փառատոնը նշում է իր 20-ամյակը:

«Ոսկե ծիրան» Երևանի միջազգային կինոփառատոնի հիմնադիր տնօրեն, կինոռեժիսոր Հարություն Խաչատրյանը հրավիրված է ղեկավարելու «Լիստոպադ» կինոփառատոնի վավերագրական ֆիլմերի միջազգային ժյուրին: «Հատուկ հյուր» բաժնում կցուցադրվի ռեժիսորի «Հայկ. փախուստ» ֆիլմը:

«Անվերջ փախուստ, հավերժ վերադարձ» ֆիլմաշարի առաջին ֆիլմի՝ «Հայկ. փախուստ»-ի համաշխարհային պրեմիերան տեղի ունեցավ այս տարի Շվեյցարիայի Նյոն քաղաքի «Vision du Reel» կինոփառատոնում ապրիլի 30-ին: Մինչ օրս ֆիլմը մասնակցել է շուրջ տասը միջազգային կինոփառատոների, այդ թվում՝ Մոսկվայի, Եկատերինբուրգի, Թբիլիսիի, Ալժիրի, Ժնևի միջազգային կինոփառատոներին:

Հիշեցնենք, որ Կոսովոյի ՄԿՓ-ում «Հայկ. փախուստ» ֆիլմը, որ վավերագրական միջազգային մրցութային անվանակարգում էր առաջադրված, արժանացավ ժյուրիի հատուկ մրցանակին: