Հարություն Խաչատրյանի «Փակուղի» ֆիլմի հայաստանյան պրեմիերան` վաղը

Վաղը «Մոսկվա» կինոթատրոնում տեղի կունանա ՀՀ Ժողովրդական արտիստ, կինոռեժիսոր Հարություն Խաչատրյանի «Փակուղի» (2016թ.) ֆիլմի հայաստանյան պրեմիերան:

«Փակուղի» ֆիլմը Լևոն անունով ինժեների մասին է, որը 1990-ականների Գրին քարտ շահեց և ընտանիքով մեկնեց Ամերիկա: Հարություն Խաչատրյանը շուրջ 25 տարի հետևել է իր հերոսին և մի ֆիլմում ներկայացնում է նրա կյանքի և ընտանիքի տարբեր հանգրվանները: «Փակուղին»  հեղինակի «Անվերջ փախուստ, հավերժ վերադարձ» շարքի երկրորդ ֆիլմն է:

Ֆիլմի համաշխարհային պրեմիերան տեղի ունեցավ ապրիլի 19-ին Շվեյցարիայում՝  Նյոն քաղաքի «Vision du Reel» միջազգային կինոփառատոնի շրջանակում, իսկ ասիական պրեմիերան տեղի ունեցավ ապրիլի 24-ին Իրանի «Ֆաջր» ֆիլմերի միջազգային կինոփառատոնում: