Հայաստանը 6 այլ երկրների հետ կմասնակցի «Արևմուտք -2021» միջազգային զորավարժություններին. կմասնակցի նաև ՀՀ անկախությունը չճանաչող Պակիստանը

Նիժնի Նովգորոդի շրջան են ժամանել յոթ պետություններից ռազմական կոնտինգենտներ՝ մասնակցելու «Արևմուտք -2021» ռազմավարական զորավարժություններին: Այս մասին լրագրողներին հայտնել են ՌԴ Արևմտյան ռազմական օկրուգի մամուլի ծառայությունում:

«Հայաստանի, Հնդկաստանի, Ղազախստանի, Ղրղզստանի, Մոնղոլիայի, Պակիստանի և Շրի Լանկայի շուրջ 500 զինծառայողներ Ռուսաստանի օդատիեզերական ուժերի ռազմատրանսպորտային ինքնաթիռներով մեկնել են Արևմտյան ռազմական օկրուգի մարտական պատրաստության կենտրոնի ինքնավար դաշտային ճամբար և սկսել զենքի, ռազմական և հատուկ տեխնիկայի ընդունումը, ինչպես նաև համատեղ վարժանքների անցկացման նախապատրաստում»,- նշել են օկրուգից:

Մամուլի ծառայությունից հայտնում են, որ հինգ օրվա ընթացքում օտարերկրյա զինվորականները կծանոթանան համատեղ վարժանքների անցկացման վայրերին, կիրականացնեն զենքի և ռազմական տեխնիկայի փորձարկում, մասնավորապես՝ Տ-72B3 տանկեր, ՀՄՄ-2 հետևակային մարտական մեքենաներ, ինչպես նաև Ak-74M գնդացիրներ, նռնականետեր РПГ-7V և ПКМ գնդացիրներ: