Ըստ ԲՀԿ-ական պատգամավորի՝ Ծառուկյան տեսակը քաղաքականության մեջ պետք է

ԲՀԿ խմբակցության քարտուղար Վահե Էնֆիաջյանը դրական կվերաբերվի Գագիկ Ծառուկյանի՝ քաղաքականություն վերադառնալուն: «Դրական կվերաբերվեմ, բայց գտնում եմ, որ սա իմ անձնական որոշելիքը չէ, դա միայն Գագիկ Ծառուկյանը կարող է որոշել»,- Yerkir.am-ի հետ զրույցում ասաց նա՝ անդրադառնալով Ծառուկյանի` քաղաքականություն հնարավոր վերադարձին: «Ես, առհասարակ, գտնում եմ, որ Գագիկ Ծառուկյանը բավական մեծ ճանապարհ է անցել Հայաստանում և բավական մեծ նպաստ է ունեցել քաղաքական կյանքում՝ տնտեսական ներդրումների առումով, սպորտի հետ կապված վերջին իրադարձությունների առումով»,- հավելեց Էնֆիաջյանը:

Հարցին՝ Գագիկ Ծառուկյանի՝ ԲՀԿ վերադառնալուն ինչպե՞ս կվերաբերվեք, պատասխանեց. «Ես գտնում եմ՝ տեղին կլիներ այն տեսակը, որ ներկայացնում է մեր իրականության մեջ Գագիկ Ծառուկյանը, իրականում ակտիվ քաղաքականության մեջ ներգրավված լիներ»: