Ըստ ՕԵԿ-ական պատգամավորի` նախագահը կոռեկտ գտնվեց

ԱԺ ՕԵԿ խմբակցության պատգամավոր Հովհաննես Մարգարյանի կարծիքով` յուրաքանչյուր պատգամավոր պետք է առաջնորդվի իր խղճով եւ համոզմունքներով. Սահմանադրությամբ է այդպես ամրագրված: «Բայց, այդուհանդերձ, կարծում եմ, որ յուրաքանչյուր պատգամավոր պետք է նաեւ հարգի իր երկրի խորհրդանիշերը, իսկ դրանցից մեկը մեր երկրի նախագահն է, նախագահի ինստիտուտն է: Ես չեմ կարծում, որ դա պատիվ կբերի յուրաքանչյուր պատգամավորի, ով կփորձի այդ խորհրդանիշերը վարկաբեկել: Սա ինձ համար, ճիշտն ասած, անընդունելի է»,- ԱԺ-ում լրագրողների հետ զրույցում նշեց ՕԵԿ-ական պատգամավորը:

Անդրադառնալով ԱԺ նախագահի որոշմանը, որ պետք է փոփոխություն արվի ԵԽԽՎ-ում հայաստանյան պատվիրակության կազմում, ՕԵԿ-ական պատգամավորը նշեց, որ որոշումը կոռեկտության սահմաններում էր, ինչպես կոռեկտության սահմաններում պատասխանեց երկրի նախագահը: «Իրոք, կոռեկտ գտնվեց հանրապետության նախագահը»,- նշեց Մարգարյանը: