Ոստիկանությունը կզբաղվի գեներալ Մանվելի անվան հետ կապված` մամուլի հրապարակումներով

ԱԺ պատգամավոր, ԵԿՄ վարչության նախագահ Մանվել Գրիգորյանի կողմից Էջմիածնի նախկին քաղաքապետ Հրաչիկ Աբգարյանին ծեծի ենթարկելու մասին մամուլի հրապարակումները դատախազի կողմից ուղարկվել են ոստիկանության քրեական հետախուզության գլխավոր վարչություն` նշված տվյալները ստուգելու և իրավական ընթացք տալու համար: Այս տեղեկությունը yerkir.am-ի հետ զրույցում հաստատեցին ՀՀ գլխավոր դատախազության հանրային կապերի բաժնից:

Նշենք, որ, ըստ մամուլի հրապարակումների, դեկտեմբերի 29-ին գեներալ Մանվել Գրիգորյանը ծեծի է ենթարկել նախկին քաղաքապետին՝ մեքենան իր համար անցանկալի վայրում կայանելու համար: Որոշ տեղեկություններով՝ հաշվեհարդարը շարունակվել է նաև դեպքից հետո, երբ տաքսիով տուն հասած նախկին քաղաքապետին արդեն տանից են դուրս հրավիրել: