Ռոբերտ Նազարյանը կարո՞ղ է կտրուկ մերժել ՀԷՑ-ի հայտը

Այսօր` էլեկտրաէներգիայի սակագնի բարձրացման թեմայով խորհրդարանական լսումների ժամանակ, ԱԺ ՀՅԴ խմբակցության պատգամավոր Արծվիկ Մինասյանը հարց ուղղեց ՀԾԿՀ նախագահ Ռոբերտ Նազարյանին:

 

«Ամեն անգամ, երբ սակագնի բարձրացման հարց է առաջ գալիս, ազգովի բոլորը դառնում են ֆինանսիստ, հաշվապահ, վերլուծաբան, և ըստ էության, համոզիչ բացատրությունները հանրության մոտ չեն հանգեցնում վստահության: Հարցը հետևյալն է` արդյո՞ք մեր ողջ էներգետիկ համակարգը ենթարկվել է մասնագիտական, փորձագիտական անկախ գնահատականի, տեխնիկական ու տոխնոլոգիական, ֆինանսական աուդիտի, որ կարողանանք զարգացումները կանխատեսել: Հակառակ դեպքում` նման ձևով կաթվածահար է լինում ամբողջ երկիրը, պետությունը, տնտեսությունը, հասարակությունը: Հնարավոր համարո՞ւմ եք մերժել այդ հայտը, անցկացնել միջազգային փորձաքննություն, և դրանից հետո միայն հանրությանը ներկայացնել հիմնավորումները: