Հո դուք հիմար չե՞ք, Թրամփի հետ նկարվում ես, ու դրա դիմաց քո երկրի շահերն ես տալիս․ Ռոբերտ Քոչարյան

«Ո՞վ էր մտածում, օրինակ, հինգ, վեց տարի, նույնիսկ, 10 տարի առաջ, որ Ուկրաինայում կարող է այսպիսի պատերազմ լինի, որ աշխարհը կխառնվի ընդհանրապես, որ Միացյալ Նահանգներում կարող է նախագահ ընտրվի երկրորդ անգամ Թրամփը, ո՞վ էր պատկերացնում, որ նման ոճով ընդհանրապես որևէ նախագահ կարող է աշխատել։ Հիմա աշխարհը մտել է բավական անկայուն ժամանակահատված, երբ միաբևեռ աշխարհը տրանսֆորմացվում է բազմաբևեռ աշխարհի։ Սա այն իրավիճակն է, որտեղ կարելի է կամ կորցնել, կամ շահել, նայած դու ինչպիսի քաղաքականություն ես վարում, ժամանակին արագ կողմնորոշվում ես, թե չես կողմնորոշվում, հիմարություններ ես անում, թե՝ հակառակը»,- աջակիցների հետ հանդիպմանն ասաց ՀՀ երկրորդ նախագահ Ռոբերտ Քոչարյանը՝ պատասխանելով հարցին, թե 2026 թվականի իշխանափոխությունից հետո, հաշվի առնելով նոյեմբերի 9-ի փաստաթուղթը, հնարավորություն կա՞ ևս մեկ անգամ անդրադառնալ Արցախի և Լաչինի հարցին։
 

«Ոչինչ չեմ բացառում, և դրական, և շատ բացասական։ Սխալ քայլերի պարագայում կարող ենք եղածին էլ ավելացրած լիքը բան կորցնել, ճիշտ քայլերի դեպքում մենք կարող ենք մեր երազած ինչ-որ հարցերի նաև լուծում տալ, եթե ոչ ամբողջական, ապա գոնե մասնակի, սա է իմ պատասխանը, չեք տեսնում ինչ է կատարվում, օրինակ՝ Միացյալ Նահանգները շատ հետաքրքիր է չէ բանակցում, սկզբից մի հատ լավ հարվածում է, հետո բանակցում է, ասում է տարիֆները 200%, 100%, 500%․․․»։
 

Մանրամասն՝ տեսանյութում։