Միքայել Սրբազանն անհապաղ վիրահատության կարիք ունի․ Գառնիկ Դանիելյան

«Միքայել Սրբազանն անհապաղ վիրահատության կարիք ունի»,- ճեպազրույցի ժամանակ ասաց ԱԺ «Հայաստան» խմբակցության պատգամավոր Գառնիկ Դանիելյանը։

«Մեկ տարվա ընթացքում 23 մահվան դեպք է տեղի ունեցել ՔԿՀ-ներում։ Այս տխուր վիճակագրությունը մեզ զգոնության առիթ է տալիս. այնպես անենք, որ այդ 23-ը չդառնա 24, ցավով նաև ուզում եմ ասել, որ 24-րդը, Աստված մի արասցե, կարող է լինել Միքայել Սրբազանը։ Ես պահանջատեր եմ լինելու այս հարցում»,- հավելեց  պատգամավորը։

Նշենք, որ այսօր ԱԺ-ում քննարկվում է ՔԿՀ-ներում մահվան և ինքնավնասումների թվի աճի թեման, որին ներկա են Արդարադատության նախարարը, ՄԻՊ-ը, ՔԿՀ-ների ղեկավարներ, առողջապահության ոլորտի պատասխանատուներ