«Դեմ եմ»-ի ակցիան մեկնարկել է. պահանջում են փոխել էլեկտրոնային հաշվետվության ձեւը

Այս պահին ֆինանսների նախարարության շենքի մոտ հավաքվել են մի շարք քաղաքացիներ, ովքեր բողոքում են ֆինանսների նախարարության եւ ՊԵԿ-ի դեմ, որոնք շարունակում են էլեկտրոնային հաշվետվությունների ձևը թողնել անփոփոխ և դրանով պարտադրել գործատուներին փոխանցել կուտակային վճարները՝ սպառնալով ենթարկել վարչական պատասխանատվության:

Քաղաքացիները պահանջում են, որ փոխվի էլեկտրոնային հաշվետվության ձեւը, քանի որ հաշվապահները չգիտե` ինչ անել: Բողոքի ակցիայի մասնակիցները պնդում են, որ չպետք է վճարեն պարտադիր կուտակային վճարները եւ դրա համար պատասխանատվության չպետք է ենթարկեն մարդկանց:

Բողոքող քաղաքացիները սպասում են, որ ֆինանսների նախարարությունից որեւէ մեկն իջնի եւ պատասխանի իրենց պահանջին: