ՎՊ հաշվետվության ուսումնասիրության արդյունքում 6 նյութ ուղարկվել է ոստիկանություն

ՀՀ գլխավոր դատախազության պետական շահերի պաշտպանության վարչությունում շարունակվում է ՀՀ Վերահսկիչ պալատի` 2012թ. տարեկան հաշվետվության ուսումնասիրությունը:

ՀՀ գլխավոր դատախազությունից հայտնում են, որ 2013թ. հուլիսի 17-ի դրությամբ՝ ուսումնասիրության արդյունքում առանձնացվել է 6 նյութ եւ ուղարկվել ՀՀ կառավարությանն առընթեր ոստիկանության քննչական գլխավոր վարչություն` օրենքով սահմանված կարգով ընթացք տալու համար:

ՀՀ Ազգային ժողովից ստացված` ՀՀ վերահսկիչ պալատի` 2012թ. տարեկան և պալատի կայքէջում տեղադրված 17 ընթացիկ հաշվետվությունների ուսումնասիրության ընթացքում 2013թ. հուլիսի 1-ին պալատից պահանջվել են լրացուցիչ փաստաթղթեր, որոնք դեռևս չեն ստացվել: 

 ՀՀ ոստիկանության քննչական գլխավոր վարչություն ուղարկված նյութերի մասին կարդացեք այստեղ: