Մենք ո՞վ ենք, որ միջամտենք պարտադիր կուտակայինի հարցին` նախքան ՍԴ որոշումը. Շարմազանով

Կուտակային ռեֆորմը հետաձգելու վերաբերյալ հարց ՀՀԿ-ում չի քննարկվել. այսօր Yerkir.am-ի հետ զրույցում ասաց ԱԺ ՀՀԿ խմբակցության ղեկավար Գալուստ Սահակյանը: Նա նշեց, որ  ՀՀԿ ԳՄ առաջիկա նիստում, եթե որևէ մեկը բարձրացնի այդ հարցը, գուցե այն քննարկվի, բայց համոզմունք հայտնեց, որ ոչ ոք էլ չի բարձրացնի այդ հարցը:

«Մինչև ՍԴ որոշումը չլինի, որևէ մեկը չի կարող իրեն իրավունք վերապահել քննարկելու այն հարցը, որը գտնվում է ՍԴ-ում»,- ասաց Գալուստ Սահակյանը:

Իսկ ՀՀԿ խոսնակ, ԱԺ փոխնախագահ Էդուարդ Շարմազանովը նշեց. «Մենք ո՞վ ենք, որ միջամտենք այդ հարցին` նախքան ՍԴ որոշումը, կամ իմանանք, թե ՍԴ-ն ինչ որոշում կկայացնի: Ժողովրդավարական երկիր ենք, մենք չենք միջամտում, և իրավունք էլ չունենք միջամտելու Հայաստանի բարձրագույն դատական իշխանության որոշումներին: ՍԴ-ն անկախ բարձրագույն դատական ատյան է, որի որոշումները պարտադիր են բոլորի համար»: