Նաիրիտցիներին բարկացրեց էներգետիկայի նախարարի պատասխանը, գնում են նախագահի մոտ

Այս պահին «Նաիրիտ» գործարանի` հարյուրից ավելի աշխատակիցներ երթով շարժվում են դեպի ՀՀ նախագահի նստավայր` հերթական անգամ բարձրացնելու 12 ամիսների չստացած աշխատավարձերի խնդիրը:

Մինչ այդ նրանք հավաքվել էին կառավարության շենքի մոտ, իսկ աշխատակիցներից մի քանիսը, ՀՀ կառավարության դիմումների ընդունման բաժնի պետ Ալեքսանդր Ղազարյանի ուղեկցությամբ,  հանդիպել էին ՀՀ էներգետիկայի և բնական պաշարների նախարար Արմեն Մովսիսյանի հետ: Նախարարը խոստացել էր աշխատակիցներին, որ  մի ամսվա աշխատավարձը կստանան փետրվարի 15-20-ը, իսկ գործարանի ճակատագիրը պարզ կդառնա բանակցությունների արդյունքում: Սակայն քաղաքացիներին վրդովեցրել էր այդ պատասխանը, այդ իսկ պատճառով նրանք շարժվեցին դեպի նախագահական:

Տեսանյութը` yerkir.am-ի