Սերժ Սարգսյանը ձեր բարեկամը չի, բայց իմ բարեկամն է. Գալուստ Սահակյան

Արդյո՞ք ՀՀԿ խմբակցության ղեկավարը նույնպես մտադիր է դիմել ցողունային բջիջների պատվաստման: ԱԺ ճեպազրույցների ժամանակ իրեն այս հարցն ուղղած լրագրողին Գալուստ Սահակյանը այսպես պատասխանեց. «Եթե Ձեր մոտ նման պատվաստում անելու ցանկություն առաջանա, դիմեք ինձ, ես դրա մասնագետն եմ: Անհեթեթ հարց եք տալիս, յուրաքանչյուր մարդ իր անձնական հարցերն ունի հոգալու: Ես հո չե՞մ հարցնում, թե Ձեր բարեկամը ոնց գնաց օպերացիայի»:

Լրագրողի դիտարկմանը, որ Սերժ Սարգսյանը ոչ թե իր բարեկամն է, այլ երկրի նախագահը, Գալուստ Սահակյանը պատասխանեց. «Սերժ Սարգսյանը Ձեր բարեկամը չի, բայց իմ բարեկամն է»: Նա նաև հավելեց, որ երկրի նախագահի բուժման հարցերը իր հետաքրքրությունների շրջանակում չեն, ոչ էլ ինքը գրպանահատ է, որ մտնի ուրիշի գրպանը ու ստուգի, թե ինչքան գումար է ծախսվել: