Մի սպառեք ձեր ունեցած վառելիքը ու կրակի վրա մի լցրեք այն. Գալուստ Սահակյան

Էներգակիրները թանկ են, չի կարելի կրակի վրա վառելիք լցնել: ԱԺ ճեպազրույցների ժամանակ այսպես արձագանքեց ՀՀԿ խմբակցության ղեկավար Գալուստ Սահակյանը՝ պատասխանելով այն հարցին` եթե կառավարությունը չի ապահովել 7 տոկոս տնտեսական աճ, ինչո՞ւ հրաժարական չի տալիս:

Գալուստ Սահակյանի խոսքով՝ կառավարության հետ կապված խնդիրներ կառաջանային այն ժամանակ, եթե երկրում առկա լինեին բոլոր տնտեսական ու քաղաքական պայմանները յոթ տոկոս տնտեսական աճի համար, սակայն կառավարությունը չկատարեր այդ հանձնարարականը: «Ինչո՞ւ եք մտնում նախագահի ու կառավարության լիազորությունների շրջանակը: Այդ ամենը կապված է հնարավորությունների հետ, նաև աշխարհում տեղի ունեցող գործընթացների հետ: Եթե տեսնեինք, որ հնարավոր է եղել, բայց կառավարությունն այդ տնտեսական աճը չի ապահովել, այ այդ ժամանակ խնդիր կառաջանար: Այնպես որ` մի սպառեք ձեր ունեցած վառելիքը»,- ասաց նա: