Ծառուկյանի հրաժարականը ֆանտաստիկայի ժանրից է. ՀԱՕԿ գլխավոր քարտուղար

Վոլեյբոլի ֆեդերացիայի նախագահի ընտրության շուրջ կրքերը, կարծես չեն, մարել: Այսօր այդ առնչությամբ անգամ արդարադատության նախարարությունը հայտարարությամբ հանդես եկավ: Իսկ մինչ այդ հայտարարություն էր տարածել ՀԱՕԿ-ը: Yerkir.am-ի հետ զրույցում ՀԱՕԿ գլխավոր քարտուղար Հրաչյա Ռոստոմյանը տեղեկացեց, որ նախապատրաստում է բոլոր փաստաթղթերը` կապված Վոլեյբոլի ֆեդերացիայի նախագահի ընտրության հետ` խորհրդակցելով միջազգային կառույցների, մասնագետների հետ: Մեր այն հարցին, թե հիմա է՞լ է պնդում, որ ՀԱՕԿ-ն է կազմակերպում ֆեդերացիաների նախագահների ընտրությունները, Հրաչյա Ռոստոմյանը հայտարարեց. «Բոլոր ֆեդերացիաների համակարգումն իրականացնում է ՀԱՕԿ-ը: ՀԱՕԿ-ը հետևում է, որ ամեն ինչ արդար անցնի, ըստ օրենքի տառի»:

Այն հարցին էլ, թե հնարավո՞ր է կոնֆլիկտը նոր փուլ անցնի, եւ Գագիկ Ծառուկյանը հրաժարական տա ՀԱՕԿ նախագահի պաշտոնից, Ռոստոմյանը պատասխանեց. «Դա ֆանտաստիկայի ժանրից է»: