Տարոն Մարգարյանի ունեցվածքը ՕԵԿ-ին չի՞ հետաքրքրում

ԱԺ ավանդական ճեպազրույցը ՕԵԿ խմբակցության համար, արդեն որպես ավանդույթ, կարճ տեւեց: Լրագրողները մեկ-երկու հարց ունեին:

ՕԵԿ-ական Հովհաննես Մարգարյանը նախ հայտարարեց, որ ՕԵԿ-ը պայքարում է հաղթելու համար, եւ որ լավ ձայներ կստանան, որովհետև ունեն մրցակցային թեկնածու` դա են վկայում ՕԵԿ-ի պատվիրած սոցհարցումները:

Հարցին, թե ինչո՞ւ ՕԵԿ-ն ամփոփիչ հանրահավաք չարեց, Մարգարյանը պատասխանեց, որ ցանկացած քաղաքական ուժ ինքն է որոշում իր մարտավարությունը. իրենք իրենց նախընտրական քարոզարշավը սահմանափակեցին փակ դահլիճային հանդիպումով:

Լրագրողներից մեկն էլ հետաքրքրվեց, թե ՕԵԿ-ին չի՞ հետաքրքրում, թե որտեղից կոալիցիոն գործընկեր ՀԿԿ-ն ներկայացնող գործող քաղաքապետ Տարոն Մարգարյանին այդքան ունեցվածք,: Իպատասխան Մարգարյանն ընդամենը հայտարարեց, որ կոալիցիան պատասխանատվություն չի կրում որեւէ մեկի ունեցվածքի համար: